He Manaakitanga Kaumātua

ā Manaakitanga Kaumātua koe e āwhina mā roto i tōna tari ā-motu, mā te kotahitanga o ngā Tari Manaakitanga Kaumātua ā-rohe 33.

Ko ngā Tari Manaakitanga Kaumātua he whakahaere kore-arumoni, mahi tūao, hāpai i ngā kaumātua i ō rātou kāinga, i ō rātou takiwā.
Ko Manaakitanga Kaumātua te Tari-ā-Motu kei Te Whanganui-a-Tara. 
Mā Manaakitanga Kaumātua i tō rohe koe e āwhina e tautoko. Tēnā whakapā mai!

Te mahi ā-rohe 
Manaakitanga Kaumātua i Tō Takiwā

Ko te rōpū o Manaakitanga Kaumātua tō pekanga atu tuatahi mō koutou ko tō whānau ina hiahia koutou ki te kimi: mōhiotanga, tohutohu, ingoa kaiāwhina, me te tautoko. 
Kei te mōhio mātou ki ngā āhuatanga ka wātea ki a koe i tō takiwā, mā mātou koe e āwhina ki te whai i ngā tūhonotanga.
Mā roto i te whānuitanga o ā mātou mahi whakawhanaunga ka tūtaki koe ki ētahi atu, ka piri tonu ki te tangata. Mā mātou koe e whakamōhio mō ngā āhuatanga kei te haere i te pūtahi ā-takiwā, me pēwhea te kimi āwhina i te kāinga, kei hea te karaihe Tai Chi tūtata rawa, me pēhea te kimi karaihe whakapakari taraiwa motokā.
Kei ā mātou hui wānanga rangona ai ētahi kōrero, tohutohu, ingoa whakapā whai take mōu. 
He mahi anō ā mātou: ka āhei mātou te tuku i ngā mahi toko i te ora,  me ngā mahi kawe i ngā tika o te tangata, mō ngā raruraru maha.
Kei te nuinga o ngā Manaakitanga Kaumātua he tangata mōhio ki te ārai tūkinotanga kaumātua, ka taea hoki te tuku i a koe ki te tari ārai tūkinotanga ā-rohe. He maha tonu hoki ka hora āwhina mā ngā kaumātua e noho mokemoke ana.

Te mahi ā-motu

Manaakitanga Kaumātua Aotearoa

E tirohia ana ō whakaaro, ō āwangawanga e te rōpū ā-motu:
Manaakitanga Kaumātua Aotearoa.
Ko ētahi o ngā āwangawanga e mahia ana e mātou: te whiwhinga moni tōtika; te wātea mai o ngā mahi tīpokatanga tinana e tika ana; te tiaki i ngā karu, ngā whakakoi taringa me ngā mahi tiaki niho; te tautoko ā-kāinga; te mokemoke; te tūkino kaumātua me te whāinga mana. 
Ka mahi nui mātou ki te āwhina i a koe mā te:

- Kawe whakaaro ki roto i ngā huanga kaupapa here me ngā kōkiri ā-motu a te kāwanatanga
- Whakapiki i te mōhiotanga o te iwi nui tonu
- Whakatikatika me te tautoko i ngā ratonga ka tukua i tēnā takiwā i tēnā takiwā, pēnei i te Tūkino Kaumātua, i te Ārai Tūkinotanga me te Torotoro Whai Tiwhikete.
- Ko tētahi mahi anō ā mātou he ārahi i ngā Tari ā-rohe o Manaakitanga Kaumātua mā te whakarite taumata mahi, te whakapakari kaimahi, te tuku pukapuka, me te     āta hautū i ngā mahi nunui ā-motu.

Ka āhei koe te āwhina
Āwhinatia mātou – āwhinatia ko koe anō – āwhinatia ētahi atu i tō takiwā:

- Kōrero ki ētahi atu tāngata mō Manaakitanga Kaumātua
- Me mahi tūao mō ngā poari o Manaakitanga Kaumātua
- Me mahi tūao mō ngā ratonga o Manaakitanga Kaumātua
- Me tūhono ki te rōpū īmēra hei tāpae mai i ō whakaaro me ō mōhiotanga mō te mahi tautoko ā-motu i ngā take nunui.
- Me tāpae koha, me whakaaro mō tētahi koha tuku iho i roto i tō wira rānei.

Koha/koha tuku iho ā-wira

Kei te whakawhirinaki mātou ki ngā āwhina a te iwi whānui hei whakatutuki i ngā hiahia o te hunga kaumātua. 

- Kei te whakawhirinaki a Manaakitanga Kaumātua ki ngā koha, ki ngā koha tuku iho ā-wira me ngā karāti hei kawe whakamua i āna mahi.
- Tautokona a Manaakitanga Kaumātua, te tari o Manaakitanga Kaumātua i tō rohe rānei, mā te maumahara tonu ki a ia i tō wira, mā tētahi tāpaetanga takitahi rānei, mā ngā tāpaetanga puputu rānei, mā te āwhina rānei i ngā mahi whakaara moni i tō rohe (ina wātea mai).

Mā tō hoe e tika ai te tere a te waka

Kei te hiahia au ki te - 

- Kimi kōrero anō mō Manaakitanga Kaumātua
- Pātai mō ngā whāinga wāhi ki te mahi tūao
- Whakamārama mō ngā koha, ngā koha tuku iho ā-wira rānei
- Tūhono mai ki SeniorVoice

Find your nearest Age Concern